“Бердәмлек, хезмәт һәм хәтер” мәдәни-агарту программасы

        Очрашу китапханәчеләр әзерләгән 1 май турындагы тарихи белешмә белән ачылды. Кунаклар бу бәйрәмнең тарихы, аның яз символы буларак әһәмияте, шулай ук хезмәт ияләренең халыкара теләктәшлеге турында белделәр. Бу халыклар бердәмлегенең дә, һәркемнең хезмәтенә ихтирамның да мөһимлеген искә төшерде.          Программаның төп өлеше берләшүгә һәм танып-белүгә юнәлдерелгән иде. Катнашучылар үзара аңлашуны һәм команда эшчәнлеген үстерүгә юнәлдерелгән интеллектуаль уеннарда катнаштылар. Артабан аларны Русия һәм аның халыклары мәдәнияте турындагы белемнәрне яңарткан музыкаль викториналар көтте. «Русия портреты» һәм «Чакмагыш районының истәлекле урыннары» лотолары чарада катнашучыларда аеруча кызыксыну уятты һәм ил һәм туган як символлары турында күбрәк белергә мөмкинлек бирде.           Чара ахырында барысы да бергәләп Олег Газмановның "Русия,  алга!" җырын башкарды. Бу җыр һәммәсен дә илебез өчен горурлык хисләре белән берләштерде һәм бердәмлекнең көчле символына әверелде. Оештыручылар хезмәткәрләргә актив катнашулары өчен рәхмәт белдерәләр. Әлеге чара мәдәният һәм уртак эшчәнлекнең Русия халыкларының дуслыгын, үзара аңлашуын һәм бердәмлеген ныгыту, шулай ук хезмәтне хөрмәтләү өчен мөһим кораллар булуын тагын бер кабат раслады. Фируза Хаҗиева,  Иске Калмаш модельле китапханәсе китапханәчесе.