Чакмагышта Русия көнен билгеләп үттеләр

Халык аны милли бердәмлек, теләктәшлек һәм тынычлык көне буларак бәйрәм итә. Бу истәлекле датага багышлап районыбызда да һәр елны күркәм чаралар оештырыла. Матур бәйрәм концерты быел да чакмагышлыларны Гаилә белән ял итү паркына җыйды. Бәйрәмгә килүчеләргә төрле тематик мәйданчыкларда осталык дәресләре, күркәм фотозоналарда фотосессия ясау мөмкинлеге тәкъдим ителде. Кичә районыбыз талантлары катнашлыгында концерт номерлары, осталык дәресләре белән үрелеп барды. Бу хакта тулырак – киләсе санда.