“Елның алтын чоры " — ачык һавада концерт

Яңа мәдәни марафонның беренче ноктасы Яңа Семенкино авылы булды, анда саф һавада җирле халык өчен символик исемле «Елның алтын чоры»  концерт программасы яңгырады.

Бәйрәмне оештыручылар һәм катнашучылар-район мәдәният йортының «Чаткылар» агиткультбригадасы артистлары, Юмаш күпфункцияле авыл клубының иҗат коллективы.

Бу көзге көнне сәхнәдән туган як, дуслык һәм ихлас мәхәббәт турында җырлар яңгырады.

«Асылъяр» ансамбле солистлары башкаруындагы бию номерлары программаның чын бизәге булды, алар тамашачыларга күтәренке кәеф бүләк итте.

Тамашачылар чыгышларны ихлас  карадылар, артистларга көчле алкышлар бүләк иттеләр. Нәкъ менә шундый ихлас, җанлы очрашуларда мәдәният үзенең чын мәгънәсен таба.