Халык иҗатына кызыксыну уятып

           Мондый клуб оешмасы халык иҗаты: җырлар, биюләр, йолалар, традицион уен коралларында уйнауны  уртак кызыксыну белән берләшкән кешеләрнең ирекле берләшмәсеннән гыйбарәт. Халык иҗаты – тормышта мөһим урын алып тора, чөнки ул үсеп килүче буынны тәрбияләү һәм һәрьяклап үстерү өчен кирәк. Төп бурыч – түгәрәк әгъзаларын халык мәдәнияте белән таныштыру, традицияләрне саклап калу, фольклорны өйрәнү һәм аны популярлаштыру. Анда катнашучылар бәйрәм-йола мәдәниятен өйрәнү белән шөгыльләнәләр, халыкча җырлау манерасын үзләштерәләр һәм ансамбльдә вокаль партияләрне өйрәнәләр, халык бәйрәмнәре нигезендә фольклор композицияләре һәм театральләштерелгән спектакльләр әзерлиләр. Коллектив клубның мәдәни-киңкүләм чараларында катнаша.