Күренекле композитор Рим Хәсәновка 75 яшь

Башкорт сәнгате үсешенә зур өлеш керткән танылган композитор, йөзәрләгән хитлар авторы, 400дән ашу баллада иҗат иткән маэстро, Башкортстанның халык артисты Рим Хәсәнов күркәм гомер бәйрәмен – 75 яшьлек юбилеен билгели. Ул 1947 елның 9 мартында Башкортстанның Благовар районы Языково авылында туган. Әлеге истәлекле дата уңаеннан Чакмагыш үзәк китапханәсендә “Җыр минем белән балачактан” (“Песня со мною с детства”) дип исемләнгән музыкаль чара узды. Аның кунаклары итеп Балалар иҗат үзәге тәрбияләнүчеләре һәм Чакмагыш гимназиясенең 10А сыйныфы укучылары чакырылган иде.

Чараны эчтәлекле һәм матур итеп әзерләп алып баручы баш китапханәче Ләйсән Дамир кызы Әхмәдиева укучыларны композиторның тормышы һәм иҗат юлы белән таныштырды, аның турында видеоязмалар күрсәтте, “Уфа юкәләре”, “Галия һәм Заһир”, “Мандолина” кебек татар-башкорт эстрадасында зур популярлык казанган җырларын тыңлатты.

Р.Хәсәновның 75 яшьлек юбилеена багышланган чара китапханәче Альбина Батыргәрәева башкаруындагы “Яшәр идем”, Балалар иҗат үзәгенең “Аккорд” балалар вокаль ансамбленең “Кышкы романс” һәм аларның җитәкчеләре Айсылу Такыянузованың “Үз ягыма кайтсам” җырлары белән үрелеп барды һәм чарада катнашучылар күңеленә хуш килде.

Автор:Илсөяр Гайсина

Читайте нас

Партнеры

Фотобанк журналистов РБ

Рубрика "Еда и напитки"

Рубрика "Животные"

Об использовании персональных данных

Свидетельство о регистрации СМИ: ПИ № ТУ 02 - 01387 от 5 августа 2015 г. выдано Управлением федеральной службы по надзору в сфере связи, информационных технологий и массовых коммуникаций по Республике Башкортостан. Главный редактор Амирханов Ф.Ф.

"Игенче" - общественно-политическая газета Главный редактор Амирханов Ф.Ф.

Телефон

8(34796)3-10-58

Электрон почта

gazetaigenche@mail.ru

Адресы

452200 Чекмагушевский район, с. Чекмагуш, ул. Ленина, 49.

Реклама хезмәте

8(34796)3-13-63

Редакция

8(34796)3-13-41

Кабул итү бүлмәсе

8(34796) 3-10-58

Хезмәттәшлек

8(34796)3-16-13

Кадрлар бүлеге

8(34796) 3-13-63