“Ка-32А11ВС” вертолетын бездә җыйганнар һәм ул хәзер Башкортстанда оча. Ул хәзер төбәгебез халкын су басудан, янгыннардан коткарачак.

         1962 елда Күмертау ремонт-механика заводы базасында авиация предприятиесенә нигез салалар. Ә 1963 елда десант һәм җир өсте авиациясе техникасын җитештерүне үзләштерәләр. 1968 елда авиация предприятиесендә кораб палубаларына да төшеп утырырга һәм очып китәргә сәләтле беренче “Ка-26” вертолеты җитештерелеп чыгарыла.

         Хәзер Күмертау авиация җитештерү предприятиесе “Русия вертолетлары” холдингына керә. Монда башлыча авария-коткару эшләрендә һәм янгыннар сүндерүдә файдаланылучы, шулай ук 30дан  артык дәүләтнең иминлеген саклаучы вертолетлар җитештерәләр.  2022 елда Башкортстанга “Ка-32А11ВС” маркалы авария-коткару эшләре һәм янгыннар сүндерү өчен тәгаенләнелгән вертолет  тапшырылды. Аны Күмертау авиация җитештерү  предприятиесендә эшләгәннәр.

Видео һәм мәгълүмат Республика LIVE #дома Вконтакте сәхифәсеннән алынды