+24 °С
Яңгыр
Новости
24 октябрь 2022, 06:20
Бердәмлектә – көч
Бүгенге көндә Башкортстан Республикасы Хөкүмәте һәм муниципаль район хакимияте халыкның көнкүрешен яхшыртуга зур әһәмият бирә. Берничә ел рәттән инде районыбызда Җирле инициативаларны хуплау программасы тормышка ашырыла. Ул авыл җирлегендә бик күп күләмле эшләр башкарырга мөмкинлек бирә. Авыл биләмәләре, әлеге программага кереп, халык белән берлектә кичектерелүне көтми торган байтак әһәмиятле социаль мәсьәләләрне хәл итә.
Бердәмлектә – көч
Яңа Балтач авыл Советы авыл биләмәсенең Яңа Каръяуды авылы халкы быелгы проектны түземсезлек белән көтеп алды. Чөнки аларны күп еллар борчыган мәсьәлә хәл ителә башлады – Яңа Каръяуды авылының Салават Усманов урамын төзекләндерү эшләре старт алды. "Бердәмлектә – көч",– дип юкка гына әйтмәгәннәр. Авыл җирлегендә башкарылган уңай эшләрдә халык та бик күп көч сала. Яңа Балтач авыл биләмәсе хакимияте башлыгы Раушания Фәдир кызы Усманова программада катнашкан авылдашларның һәммәсенә рәхмәт белдерә.
Җирле инициативаларны хуплау программасы киләсе елларда да дәвам итеп, районыбыздагы барлык авыл биләмәләренең, шул исәптә Яңа Балтач җирлегенең башка мәсъәләләрен дә хәл итер дип өметләнәбез.
