+28 °С
Болытлы
Новости
27 октябрь 2022, 06:45
Театр тәрбияли
Сәхнәдә кечкенә генә булса да роль уйнарга теләмәгән кеше юктыр. Яңа Балтач урта мәктәбендә А.Д. Муллагәрәева җитәкчелегендә “Йолдызлар” театр түгәрәге оештырылган. Укучылар биредә бик теләп шөгыльләнә. Мәктәп театр түгәрәге – төрле яшьтәге балаларны туплаган күңелле аралашу урыны да. Монда үсмерләргә дә, кече һәм чыгарылыш сыйныф укучыларына да кызыклы. Театр коллективында шөгыльләнү үзара дуслыкны ныгыта һәм дәресләрдән соң очрашу өчен бер сәбәп тә булып тора. Укучылар биредә репетицияләргә йөри, үзләрен төрле рольләрдә сынап карый, костюмнар әзерли, фикер алыша.
Театр тәрбияли
Сер түгел, яшь актёрларны туры мәгънәсендә сәхнә тәрбияли. Сәхнәдә булган һәм рольдә уңышлы чыгыш ясаган бала тормышта да авырлыклар алдында сыгылып калмаячак. Театральләштерелгән эшчәнлек балаларны яңалыкны кабул итәргә, импровизацияләргә, сәләтле иҗади шәхесләр булырга өйрәтә.
