Халык әйтсә – хак әйтә

Шушы көннәрдә Иске Калмаш авыл советы авыл биләмәсенең Яңа Мортаза авылында башлангыч җыелыш үткәрелде. Чара барышында сайлауга ике проект чыгарылды. Аларның берсе – Яңа Мортаза авылында сууткәргеч торбаларын яңарту, икенчесе – балалар мәйданчыгы булдыру. “Проектның икесе дә авыл халкы өчен бик мөһим. Йомгаклау җыелышында сайлау нәтиҗәләре билгеле булачак”, – ди биләмә башлыгы Рөстәм Равил улы Макулов. Җыелыш вакытында авыл халкы да үз фикер-тәкъдимнәрен белгертте. Яңа Мортаза авылында яшәүче Камил Сухов авылның сууткәргеч торбаларын яңарту проектын өстен күрә. Тиздән, программада катнашу өчен сайланган проект билгеле булачак.