Игътибар һәм хәстәрлек күрсәтеп

Бәйрәм уңаеннан Башкортстан Республикасы Дәүләт  Җыелышы – Корылтай депутаты Ирек Марс улы Усманов, Тозлыкуш авыл биләмәсе башлыгы Рамил Камил улы Вәлиәхмәтов, “Алга” авыл хуҗалыгы җитештерү кооператив-колхозы профкомы рәисе Гөлсара Фәнил кызы Шәехова   сәламәтлек торышы буенча мөмкинлекләре чикләнгән авылдашларының өйләренә барып, бәйрәм белән тәбрикләде һәм  бүләкләр өләште.  Очрашу барышында шулай ук аларның яшәү, дәвалану  шартлары,  нинди төр ярдәм кирәклеге белән  кызыксындылар. Авыл мәдәният йорты хезмәткәрләре башкаруындагы матур җырлар күңел кылларын тибрәтте, күңелләрне күтәрде. Онытмыйк: аларга үзләрен бәхетле итеп тою өчен кайсы вакыт бер җылы караш, бер җылы сүз дә җитә.