КОТЛЫЙБЫЗ!

Әлеге һөнәри бәйрәм уңаеннан бер төркем сәнгать әһелләренә тантаналы шартларда мактаулы исемнәр, бүләкләр тапшырылды. Шулар арасында хөрмәтле якташларыбыз да бар. Уфа “Нур” татар дәүләт театры актеры, җырчы Айнур Айрат улы Баяновка “Башкортстанның атказанган артисты” дигән мактаулы исем бирелде. Башкорстанның һәм Татарстанның халык артисты Җәвит Әхмәтгали улы Шакиров тугандаш республиканың “Фидакарь хезмәт өчен” медаленә лаек булды. Лаеклы бәһалары белән чын күңелдән тәбрикләп, хөрмәтле якташларыбызга яңадан-яңа уңышлар телибез.