+28 °С
Болытлы
Новости
6 апрель 2023, 11:35
Кеше игелекле эшләр белән дан тота
Тормыш хәзер кемгә дә җиңел түгел. Арабызда ярдәмгә мохтаҗ күп балалы гаиләләр дә бихисап. Менә шундый гаиләләргә ярдәм итү максатында районыбызда “ Гаилә гаиләгә ярдәм итә” проекты уңышлы тормышка ашырыла. Районыбызда чын күӊелдән мохтаҗларга ярдәм кулы сузучылар байтак.Агымдагы ел башыннан районыбызның “Гаилә” хезмәте бу юнәлештә актив эшчәнлек алып бара. Өч ай эчендә әлеге акциягә изге йөрәкле байтак чакмагышлылар кушылган.
Кеше игелекле эшләр белән дан тота
Алар арасында Тозлыкуш авылынннан Альбина Илфир кызы Хәмәтханова, Чакмагыштан Илшат Хәтмулла улы белән Эльвира Әлфрид кызы Локмановлар, Илдар Риф улы белән Лиана Салават кызы Янгировлар, Эльвир Азамат улы белән Гүзәл Фәнил кызы Сәхиповар, Игорь Руслан улы белән Айсылу Радик кызы Вәлиевлар бар.
Нариман авылыннан шәхси эшкуар Әлфия Мөхәммәтҗан кызы Әрдәширова гаиләләргә даими рәвештә ярдәм күрсәтә. Ә менә күптән түгел акциягә шәхси эшкуар Наил Әдип улы Гыймазов та кушылган.
Изге күңелле райондашларыбыз “Гаилә” хезмәтенә мохтаҗ гаиләләрдә тәрбияләнүче балалар һәм үсмерләр өчен өс һәм аяк киемнәре, азык-төлек тапшырган.
“Әлеге проект иң беренче чиратта гаиләгә һәм балага ярдәм итүне максат итеп куя”, – дип сөйли районыбыздагы “Гаилә” хезмәте җитәкчесе Илвера Илдус кызы Шәймөхәммәтова. Проектка кушылган изге күңелле чакмагышлыларга ул рәхмәт сүзләре җиткерде.
