Нәни дуслардан – кош оялары

         Чакмагыш беренче урта мәктәбендә “Һәркайсыбыздан – сыерчык оясы” акциясе узды. Башлангыч класс укучылары бу эштә зур ихласлык белән катнашты. Укытучылар һәм ата-аналар җитәкчелегендә канатлы дускайларыбызга уңайлы, җил-яңгырлардан ышыклардай, бәби-кошчыккайларын имин итеп чыгарсыннар өчен матур сыерчык оялары эшләделәр.

         Кошлар табигатькә ярдәм күрсәтеп кенә калмый, ә безне моңлы сайравы белән дә сөендерә, кәефләрне күтәрә. Сыерчык оялары эшләгәндә балаларда кошкайларга, хайваннарга мәхәббәт тәрбияләнә. Алар табигатькә саклык белән карарга өйрәнә.

Фото һәм мәгълүмат Чакмагыш урта мәктәбенең “Вконтакте” социаль челтәрендәге сәхифәсе битләреннән алынды.