Сәламәт яшүсмер – сәламәт киләчәк ул

Укучыларга наркотикларның яшүсмер организмына зыяны, наркотиклар һәм тәмәке катнашмалары куллануның җимергеч нәтиҗәләре турында сөйләделәр. Яшьләр эшләре буенча белгеч Лира Сәлахова чарада катнашучыларга презентация күрсәтте һәм буклетлар таратты. Гөлнара Бакиева профилактик әңгәмә барышында балаларга наркотиклар куллану һәм тарату өчен җинаяти һәм административ җаваплылык, шулай ук яшүсмерләрнең һәм аларның ата-аналарының хокук тәртибенә каршы гамәлләр өчен җаваплылыгы турында аңлатты.Үз чыгышында Гөлнара Вил кызы барлык проблемаларның хәл ителүенә, барысы да кешенең үз кулында булуына басым ясады.Чара ахырында мәктәп директоры Физәлия Рәзит кызы Баһманова кунакларга эчтәлекле чыгышлары һәм тыгыз хезмәттәшлек өчен рәхмәт белдерде.