Террорчылык – кешелеккә каршы яшерен сугыш

Аблай авылында мәдәният хезмәткәрләре «Террорчылык – ул сугыш» дигән әңгәмә үткәрде. Чара барышында соңгы еллардагы дөньядагы террорчылык гамәлләр искә төшерелде. Балаларга террорчылык акты янаганда үз-үзләрен тоту кагыйдәләре турында аңлаттылар, шикле әйберләргә кагылмаска, ачмаска, аларны урыннан күчермәскә, дигән искәрмә-киңәшләр бирелде, чөнки бу уйланылмый эшләнгән гамәлләр шартлауга китерергә мөмкин, дип кисәттеләр. Мондый очракта өлкәннәргә яки полициягә 02 саннарын җыеп телефон аша хәбәр итәргә кирәк. Урамда һәм телефон аша таныш булмаган кешеләр белән сөйләшмәгез! Һәр очракта уяу һәм сак булырга кирәк. Чара ахырында һәммәсенә дә «Террорчылык: уяу булыгыз» дигән буклетлар таратылды.