Якташыбыз лауреат исемен алды

Бәйге ел саен камилләшә бара. Фестивальнең чикләре дә киңәя. Татарстан күләмендәге конкурс итеп кенә башланган проектка инде Республика чикләре генә түгел, хәтта Русиянеке дә тар. Фестиваль-конкурс халыкара масштабка күчте.
"Миңа, фестиваль лауреаты буларак, бик дулкындыргыч булды”, – ди конкурста катнашучы якташыбыз Алик Марат улы Нәбиуллин. Ул әлеге масштаблы чарада катнашып, иҗади уңышларга иреште. Мәртәбәле җюри әгъзаларына ул Фәнәвис Дәүләтов сүзләренә үзе иҗат иткән “Кимсетмәгез ятимнәрне” дигән җырын тәкъдим итте.
“Әлеге конкурста катнашуыма мин бик шат һәм оештыручыларга миңа булган ышанычлары өчен зур рәхмәтлемен”, – ди талантлы педагог һәм моң иясе.
Аны чираттагы зур җиңүе белән тәбриклибез, яңадан-яңа иҗади уңышлар теләп калабыз!