+22 °С
Дождь
Новости
28 Апреля 2023, 07:30
“Тизрәк исән-имин әйләнеп кайтсыннар”
Илебез көтмәгәндә килгән авыр сынау чорын үтә. Йөзләгән райондашыбыз махсус хәрби операциядә катнаша. Якташларыбыздан бигрәк тә, аларның тормыш иптәшләре, балалары, якыннарына җиңел түгел. Аларның күңелен мең төрле хис-тойгылар, уйлар биләп алган... Бу хакта сөекле тормыш иптәшен Земфирны (исеме үзгәртелде) махсус хәрби операциягә озатучы Дания (исеме үзгәртелде) белән әңгәмәләштек.
“Тизрәк исән-имин әйләнеп кайтсыннар”
– Земфир бу карарын яшьләргә терәк булыр өчен сайлап, махсус хәрби операция зонасына үзе теләп китте. Без аны менә инде 11 ай дәвамында зур гаиләбез белән көтәбез.
– Балалар әтисен сагынадыр?
– Әлбәттә, безнең уртак кызыбызга биш кенә яшь әле. Ул әтисен бигрәк тә нык сагынды. Шалтыраткан саен: “Син кайчан кайтасын?”– дип кенә тора. Ялга кайткач әтисе яныннан китмәс тә инде, сабый.
– Земфир көндә шалтыратамы? Анда хәлләр ничек соң?
– Әйе, Аллага шөкер, көндә аралашып торабыз. Андагы хәлләр турында бүлешергә яратмый ул. Үзе исән-имин – шунысы иң мөһиме. Мин аны сагынмаган бер генә көнем дә юк. Башымда – мең төрле уй.
– Илебезне яклап, батырлык өлгеләре күрсәткән якташларыбыз исән-сау әйләнеп кайтыр, дип ышанабыз.
– Кояш баеганда да, таң атканда да гел шушы теләкне телим. Бу хәлләр тизрәк тәмамланып, хәрбиләребез исән-сау әйләнеп кайтсын иде. Күкләребез – аяз, илләрбез тыныч булсын.
Фото: https://sun6-20.userapi.com/impg/xtiPOY-GO7qIpD-Wc9tmXzrJXEwds1gg0YqUaA/Dc-e2wOz7IQ.jpg?size=1280x853&quality=95&sign=d9411f0d619e99c36c8ffb580f3048f4&c_uniq_tag=Uyxg9PUm9sEK3qKExuPUO3qbEIuYYXHN7SSKeaIKT44&type=album
