Илнур Шәйхелисламов: үсемлекләр нәни бала кебек

Җаваплылыгы чикләнгән “Байбулат” җәмгыятендә уҗым культураларын утау, чәчүлекләрне эшкәртү актив бара. Бу чаралар бик мөһим, өстәвенә, аларны бер сезонда берничә тапкыр башкару күз уңында тотыла.
Үсемлекләрнең дошманнары күп – чүп үләннәре, корткычлар, күп санлы авырулар. Алар белән көрәшү күп көч таләп итә.
“Үсемлекләр нәни бала кебек ярдәмгә мохтаҗ, безнең бурыч – аларны нормаль үсеше өчен барлык кирәкле шартларны тудыру”, – ди җәмгыятнең баш агрономы Илнур Фидус улы Шәйхелисламов.