Чәчәкләрне яшәртәбез

Күпьеллык чәчәкләрне өч төркемгә бүләргә була.
Беренче төркемгә керүче чәчәкләрне бер урында 2-3 ел гына үстереп була. Алар: нивяник, аквилегия, алиссум, миләүшә, канәфер. Аннан бүлгәләргә, яшәртергә кирәк.
Икенче төркемгә керә торган чәчәкләр бер урында иң күбе 4-5 ел үсә ала. Аларга: люпин, лихнис, гейхера, пиретрум(ромашка), альп астрасы керә.
Өченче төркемдә – озын гомерлеләр. Дельфиниум, ирис, хоста, чалмабаш, дицентра бер урында ун елдан артык үсә ала. Куелана башласалар, бүлгәләгез.