Яшелләндерү-утау өмәләре

         Узган шимбәдә район үзәгенең Чакмагыш елгасы яры буенда утыртылган агачлыкны чүп үләннәреннән чистарту, коеныр өчен төзекләндерелгән пляж территориясенә “Яшел Башкортстан” акциясе чикләрендә яздан утыртылган наратларга су сибеп, тирә-якларын чүп-чардан арындыру, утау эшләре башкарылды. “Урожай” стадионында, әлеге вакытта эчке бизәү эшләре барган яңа мәктәп территорияләрендә чүп үләннәре чабылды.

         Өмәләрдә катнашучыларны муниципаль  район хакимияте башлыгы Реканс Фәнил улы Ямалеев сәламләде. Муниципаль район Совет сәркатибе Фаил Әхнәф улы Ишморатов территорияләргә килгән оешмалар хезмәткәрләренә эш тәртибен һәм максатларны аңлатты. Чүпләрдән арынган, суга туенган агачларның алынып китүенә үз вакытында булышлык итсәк, алар да үз чиратларында табигатебезне яшел калканга күмәр.