+28 °С
Болытлы
Новости
21 июнь 2023, 10:45
Алдагы көннәрдә нинди һава торышы көтелә? Көннәр җылытырмы?
Алдагы көннәрдә Башкортстанда салкын һава торышы саклана – температура нормадан 6-7 градуска түбәнрәк булачак. Русия Гидрометеоүзәгенең фәнни җитәкчесе Роман Вильфанд хәбәр итә.
Алдагы көннәрдә нинди һава торышы көтелә? Көннәр җылытырмы?
Башкортстаннан тыш, аномаль салкын һава торышы Оренбург, Киров, Свердловск, Чиләбе өлкәләрендә һәм Татарстанда да сакланачак, дип искәртте Вильфанд. Свердловск өлкәсендә тагын да суыграк булачак – температура +8..+13 градустан да югары күтәрелмәячәк.
Шул ук вакытта, якын көннәрдә Магадан өлкәсе, Якутия, Чукот автономияле округы, Красноярск крае, Тыва һәм Хакасиядә +28..+36 градуска кадәр аномаль эссе һава торышы көтелә.
Иртәгә республикада көндез һава +15..+20 градуска кадәр җылыначак. 23 һәм 24 июньдә салкынча һава торышы саклана, көндез температура +19..+24 градус тәшкил итәчәк. Шимбә, 24 июньдә, урыны белән яңгыр явачак.
