Вакыт эшләрне тизләтүне сорый

Мәктәпнең яңа уку елына әзерлеген алдан тикшерү үткәрелде. Биредә җитешсезлекләр, тәмамланырга өлгермәгән мәшәкатьләр исәпкә алынды, алардан арыну өчен вакыт бирелде. Классларда ремонт эшләнеше, кирәкле җиһазлар белән тәэмин ителеш, ашханә бүлмәсе, спорт залы, бәдрәф һәм тамашалар залындагы ленолеумны яңарту процессы искә алынды. Әле мондый комиссияләрнең эшчәнлеге башланды гына, тәмамланасы эшләр дә шактый җыелган урыннар бардыр, шуңа күрә ашыктыру урынлы булыр иде. График буенча барлык мәктәпләр, балалар бакчаларының яңа уку елына әзерлекләре тикшереләчәк. Хәзерлек яхшы булса, барысына да уңайлы булачагы бәхәссез.