Сания апага – 85

Олы йөрәкле, үзенә һәм әйләнә тирәдәгеләргә таләпчән, төгәл һәм намуслы ул. Авыр вакытта ярдәм кулы сузучы, туганнары, һәрвакытта жан атып торучы тынгысыз зат. Күркәм юбилее белән аны Калмашбаш авыл биләмәсе хакимияте башлыгы Раил Исламетдин улы Нургалиев тәбрикләде. Сания апага бу көнне иң изге теләкләр яңгырады. Аңа шулай ук җаваплылыгы чикләнгән “Базы” авыл хуҗалыгы предприятиесенең генеральный директоры Вадим Васильевич Соколовның Котлау хаты һәм истәлекле бүләге тапшырылды. Без дә Сания апага сәламәтлек, җан тынычлыгы, хәерле озын гомер телибез.