Алдагы өч көндә көннәр җылы торачак

 Башгидромет мәгълүматлары буенча, бүген көндез урыны белән бераз яңгыр явуы көтелә. Җил төньяк, төньяк-көнчыгыштан уртача. Көндез һава температурасы +17, +22 градус. Чәршәмбе, 6 сентябрь, төнлә, яңгырларсыз, көндез урыны белән бераз яңгыр явачак. Җил көньяк, көньяк-көнбатыштан төнлә бераз акрынрак исәчәк, көндез уртача. Һава температурасы төнлә +5, +10 градус, көндез +17, +22. Пәнҗешәмбе, 7 сентябрьдә, төнлә, урыны белән, көндез республика буенча кыска вакытлы яңгырлар фаразлана. Көньяк-көнбатыш җиле уртача. Һава температурасы төнлә +7, +12 градус, көндез +16, +21.

Чыганак: “Башинформ” мәгълумат агентлыгы сайты.