Су юллары гөл генә, кадерләрен бел генә...

Су – яшәү чыганагы. Яшь килен – учак хуҗабикәсе. Килен башка авылдан төшсә дә, үз авылыннан булса да, беренче мәртәбә суга үзен генә җибәрмәгәннәр. Йола буенча аны егетнең кыз туганнары озаткан. Килен аларга үзенең бүләкләрен – чиккән кулъяулыклар өләшкән. Шунысы сөенечле, бу йола бүгенге көндә дә кайбер авылларыбызда башкарыла.
Шушы көннәрдә Иске Сөрмәт авылы клубының мәдәният хезмәткәрләре “Су юлына бару” йоласын оештырды. Бу көнне Яңа Бирде авылында кавышкан пар “Ян чишмә” чишмәсенә юл тотты. Чара йоланың күркәм шартларына нигезләнеп башкарылды.