Якташыбыз – “Классный журнал!” программасы эфирында!

Рәзимә Исмәгыйль кызын башлангыч сыйныфлар укытучысы, балалар хәрәкәтен оештыручысы, башлангыч сыйныфлар укытучыларының методик берләшмәсе җитәкчесе, төрле үсеш программаларын эшләүче буларак беләбез. 2020 елда талантлы педагог укытучылар өчен остаз да булды. “Уңыш яңа уңышларга илтә. Без, остаз буларак, укытучыларны укучылар белән дөрес итеп эшләргә өйрәтәбез, аларга яңа казанышларга юл күрсәтүче маяк булып торабыз. Талантлы педагогларыбыз район гына түгел, республика һәм илебез йөзен дә яклап, хөрмәт казанырга хаклы,”– ди Рәзимә Исмәгыйль кызы.
Программалар циклы укытучыларга, тәрбиячеләргә, югары һәм урта махсус уку йортлары педагогларына, шулай ук төбәкнең педагогик династияләренә багышланган. Проект “Педагог һәм остаз елы” кысаларында “Башкортостан” дәүләт телерадиокомпаниясе һәм БР мәгариф һәм фән министрлыгы ярдәмендә үткәрелә.
"Башкортстан 24" телеканалында "Классный журнал!" программасы эфирында Рәзимә Исмәгыйль кызы Мостафина көтелмәгән яктан күрсәтелде, ул тамашачылар белән һөнәри осталык серләре белән уртаклашты.
Проект дәвам итә. Ел әйләнәсенә 48 оригиналь программа планлаштырылган. Программаны пәнҗешәмбе көнне 19.30 сәгатьтә "Россия-24" телеканалында һәм һәр җомга 12.25 сәгатьтә "Башкортостан 24" каналында карарга мөмкин.