Якташыбызның якты истәлегенә

 Ярышларның бер үк вакытта ул хезмәт иткән диңгез пехотасы көненә багышлануы да символик мәгънәгә ия булды. Волейбол турнирында төрле шәһәр һәм районнардан килгән биш команда киеренке алышларда көч сынашты. Көн буе барган ярышларда көндәшләреннән өстен чыгып, Бүздәк районыннан ЧВК командасы беренче урынга лаек булды. Икенче урынны яулаган Уфа егетләре алардан бик азга гына калышты. Бакалы уенчылары өченче урынны яулады. Дүртенче – Бүздәк районыннан “Олимп”, бишенче урында – Бөре шәһәреннән Уфа Фән һәм технологияләр университеты филиалы егетләре командалары. Җиңүче командалар кубок, медальләр, грамоталар һәм вымпеллар белән бүләкләнде, һәр командалар әгъзалары истәлекле бүләкләр дә алды. Уенчылар югары дәрәҗәдә оештырылган турнирдан үтә канәгатьлек белдереп, артабан башка ярышларда да катнашырга ниятләрен җиткерделәр.