Яугирләргә ярдәм булсын дип

Чарада җыелган акча яудагы егетләргә гуманитар ярдәм озатканда кирәкле әйберләр алуга тотынылачак. Чарада район Советы, Ватанны саклаучылар фонды һәм республиканың Башкорт хатын-кызлары җәмгыяте каршындагы солдат аналары һәм тормыш иптәшләре комитеты, авыл биләмәсе хакимияте вәкилләре катнашты, Иске Калмаш авыл Советыннан яуга киткән хәрбиләрнең ата-аналары, гомер юлдашлары, шулай ук якташларының җиңү яулап кайтуларын түземсезлек белән көткән авыл халкы чакырылды. Искекалмашлылар алдында авылдашлары, популяр артистлар Рамил һәм Гүзәл Хаҗиевлар, Башкортстан Республикасының халык артистлары Халит белән Лилия Фәтыйховлар чыгыш ясады.