Яугирләргә укучылар бүләге

Алар укытучылары җитәкчелегендә яудагы авылдашлары өчен саклагыч-обереглар ясап, аларның имин-сәламәт булуларын һәм мөмкин кадәр тизрәк җиңү яулап туган якларга кайтуларын теләп, җылы эчтәлекле хатлар яздылар. Концерт алдыннан мәдәният йорты фоейсында балалар яугирләр өчен әзерләгән шушы бүләкләрдән күргәзмә оештырылды. Аны мәктәп директорының тәрбия эшләре буенча урынбасары Илиана Ильяс кызы Кудашева белән тәрбия эшләре буенча киңәшче Полина Рим кызы Макулова әзерләде. Балаларның бу бүләкларе яугирләр өчен аеруча кадерле. Полина Рим кызы әңгәмәбез барышында үткәнендә әзерләп җибәргән бу саклагычларның һәм хатларның хәрбиләргә барып җитүе һәм егетләрнең бу бүләкләр белән фотога төшеп, укучыларга рәхмәт сүзләрен җиткерүләре турында зур горурлык белән әйтте.