Иске Калмаш урта мәктәбе укучылары БДПУ студенты белән очрашты

 Динара югары сыйныф укучыларына һөнәри юнәлеш бирү әңгәмәсе үткәрде. Ул аларга университет, бюджет урыннары һәм уку юнәлешләре турында сөйләде. БДПУның факультетлары, институтлары һәм колледжы эшчәнлеге белән таныштырды. Студент кыз БДПУның сәнгать-график факультетында укыганга күрә, аеруча кызлар һәм егетләрне рәсем сәнгате кафедрасы белән якыннан таныштырды. Яшүсмерләр әзерлек юнәлешләре, уку төрләре, дисциплиналар һәм иҗади өлкәдә укуның кызыклы мизгелләре турында күп яңалыклар белделәр.
Очрашу ахырында Динара булачак абитуриентларга кайсы уку йортына укырга керергә теләүләрен билгеләргә чакырды һәм дәүләт имтиханнарын уңышлы тапшыруны теләде.