Эшләрен җиренә җиткереп башкаралар

Соңгы атналарды кышкы табигать холкын нык күрсәтте. Көне-төне буранлап яуган карлары белән ул район үзәгендә, авылларда яшәүчеләргә дә, юлларны тәртиптә тотучы юл хуҗалыгы хезмәткәрләренә дә кыенлыклар тудырды.
“Һава торышы шартлары быел төрлечә. Шулай булса да үзебезнең эшебезне җиренә җиткереп башкарырга тырышабыз. Биш-алты сәгать эчендә иң башта авыллардагы үзәк урамнарны, мәктәпләргә илтүче юлларны чистартабыз, автобусларга, машиналарга юл ачабыз”, – ди “Башкиравтодор” җәмгыятенең районыбыздагы филиалы җитәкчесе Марат Мусин.