Русия Президенты Владимир Путин бюджет өлкәсендә хезмәт хакын түләүне камилләштерергә кушты

«Бюджет өлкәсендә хезмәт хакын түләүне камилләштерергә, монда эшләүче белгечләрнең керемен арттыруга ирешергә», – диде Путин.
Ул шулай ук билгеләп үткәнчә, төбәкләрдә дә хезмәт хакы күләме төрле. Бюджет өлкәсендә эшләүче хезмәткәрләрнең керемнәре, хәтта күрше төбәкләрдә дә, шактый аерыла.
«Шул ук вакытта укытучының яки табибның эше барлык төбәкләрдә бертөрле катлаулы һәм бик җаваплы. Һәм төбәкләрдә хезмәт хакларында шундый зур аерма булу гадел түгел», – диде дәүләт башлыгы.