Каразирек мәдәният йортында «Спорт ярышлары көне" үтте

Сәламәтлек һәр кешенең зур байлыгы, ә физкультура һәм спорт белән шөгыльләнү – сәламәт яшәү рәвешен пропагандалауның иң яхшы ысулы. Чара барышында балалар көч, җитезлек, чыдамлылык, рух ныклыгы сыйфатларын күрсәттеләр. Шул ук кичне барлык теләүчеләр дә бильярд өстәле һәм өстәл теннисы артында үз көчләрен сынап карый алдылар. Нәтиҗәдә дуслык җиңде. Чарада катнашучылар вакытларын файдалы үткәрделәр һәм уеннардан яхшы кәеф алдылар.