Хәрбиләр өчен махсус беләзекләр үрергә өйрәнделәр

Алдан әзерләнгән җайланмалар – станокларда һәм биш метрлы паракорд дигән материалдан баулар ярдәмендә укучылар тырышлыгы белән хәрбиләргә махсус беләзекләр әзерләнде. Берничә сәгать эчендә укучылар гади үрү техникасын үзләштерүдән тыш, беләзек ясарга да өйрәнделәр. Исән калу беләзегенең мәгънәсе шунда ки, аны һәрвакыт үзең белән кулда яки карабинга җиңел барып җитү урынында беркетеп йөртергә мөмкин. Иң экстремаль хәлләрдә ул файдалы булырга мөмкин. Мондый "беләзек" җиңел тарала, һәм кыр шартларында мондый бауны куллануның күп вариантларын табарга мөмкин.