Бәйрәм ярминкәсе үтте

Шушы уңайдан район үзәгендә ярминкә үтте. Көн шактый суык булуга карамастан, анда байтак кеше җыелды. Бу сәгатьләрдә мәйдан сәхнәсеннән җыр-моң яңгырап торды - район һәм авыллар мәдәният йортлары хезмәткәрләре якташларга бәйрәм кәефе бүләк итте. Ярминкәгә килүче барлык гүзәл затларны муниципаль район хакимияте башлыгының социаль мәсьәләләр буенча урынбасары Светлана Шакирова тәбрикләде. Чара дәвамында мәйданда якты бәйрәм рухы хакимлек итте, райондашлар шәхси һәм фермер хуҗалыкларында җитештерелгән авыл хуҗалыгы товарларын сатып алу мөмкинлегенә ия булды.