Илебез тормышында мөһим сәяси вакыйга алдыннан

 Аблай авылы мәдәният йорты хезмәткәрләре тарафыннан клуб фойесында шушы мөһим вакыйгага багышланган «Сайлаулар: синең хокукың һәм гражданлык бурычың» дип аталган стенд әзерләнде. Шулай бирегә килүчеләр өчен «Сайлаулар: барысын да белергә телим» дигән файдалы мәгълүмат сәгате үтте. Комиссия рәисе Лида Сәгыйть кызы Шаяхмәтова сайлаулар нәрсә һәм алар ни өчен кирәклеге турында сөйләде, Русия Федерациясе Президенты вазифасына кандидатлар белән таныштырды. Әңгәмә барышында сайлаучылар исемлеге, тавыш бирү тәртибе, тавыш бирү өчен бинадан тыш тавыш бирү мәсьәләләренә игътибар бирелде.
Чыганак: “Бәйләнештә” социаль челтәрендәге ”Аблай мәдәният йорты” төркеме сәхифәсе.