Сайлауларга ике көн калды

Бу мөһим чарага һәркем җаваплы карарга тиеш. Чөнки без киләчәктә илебез белән идарә итә торган илбашлыгын сайлап куюга үз өлешебезне кертәчәкбез.
Шушы мөһим чарага әзерлек муниципаль район хакимиятендә югары дәрәҗәдә бара. Кичә зур утырышлар залына районыбызның оешма-предприятиеләре, авыл биләмәләре башлыклары сайлауларны оештыру мәсьәләләре буенча киңәшмәгә җыелды.
Хөрмәтле чакмагышлылар! 15-17 март көннәрендә сайлау участоклары иртәнге сәгать 8 дән кичке 20 сәгатькә кадәр эшлиячәк. Сайлауларга гаиләгез белән килеп “Сайлауларга – гаилә белән” акциясендә катнашып, призлар отарга мөмкинлек булачак!