Язгы кыр эшләренә техника тулы әзерлектә чыгачак

Бүгенге көндә механизаторлар чәчүлек орлык хәстәрләү, минераль ашлама туплау кебек мөһим эшләр белән мәшгуль. Язгы чәчү һәм җир эшкәртү өчен техника әзерләү дә бара. Хуҗалыклар запас частьлар, ягулык-майлау материаллары туплый.
Бүген механизаторлар зур егәрлекле тракторларга һәм чәчкечләргә техник карау үткәрә. Техника ремонтына алар зур җаваплылык белән карый. Аннан-моннан ясалган техника белән басуда эшләп, зур уңыш алып булмый. Тырма, чәчкеч һәм культиватор кебек тагылма агрегатларны декабрь аенда ук ремонтлап куйганнар. Авыл хуҗалыгы хезмәткәрләре үз эшләренә таләпчән карый.