Иске Калмаш урта мәктәбендә "Бергәләп биибез" осталык дәресе үтте

Чарада катнашучылар БАССРның атказанган артисты, Чакмагыш районы бию ансамбленә нигез салучы Әнфәк Гариповның тормыш һәм иҗат юлы белән таныштылар. "Асылъяр" халык биюләре ансамбле солистлары (җитәкчесе Гөлшат Галләмова) Башкортстан Республикасында яшәүче халыкларның төп бию элементларын күрсәттеләр. Теоретик өлештән соң укучылар бергәләп халык биюенең хәрәкәтләрен өйрәнделәр һәм моны музыкага хореографик композициягә берләштерделәр. Чара бик фәһемле һәм күңелле булды.