Нәүрүз бәйрәме гөрләп үтте

Милли традицияләребезгә тугры калып, быел да авыл биләмәләрендә Нәүрүз бәйрәмнәре оештырылды. Чараның иң чагуы Митрә-Әюп авылы мәдәният йорты хезмәткәрләре тарафыннан үткәрелде.
Саулык мөмкинлекләре чикләнгән кешеләр турында хәстәрлек елы кысаларында чарага Балтач психоневрология интернатында тәрбияләнүчеләр чакырылган иде. Кыш бабай, Нәүрүзбикә белән бергәләп, рәхәтләнеп күңел ачтылар. Ә иң көтеп алганы, мөгаен, коймак белән самавырдан чәй эчү булгандыр.
Һәр бәйрәмнең үз тәртибе, гореф- гадәтләре, кыйммәте бар. Татар халкының милли йолаларын бергәләп үткәрсәк, буыннар арасында дәвамлылык, миллилек хисе югалмас.