Каразирек мәдәният йортында Сәламәтлек көне үтте

Ул “Сәламәт булу – шатлыкта яшәү!” дигән дөрес туклану, чыныгу, файдалы һәм зарарлы гадәтләр турында профилактик әңгәмәдән башланды. Артабан чарада катнашучылар «Кем тизрәк», «Кирәкле әйберләр», «Сәламәтлек дуслары» һәм башка команда ярышлары һәм эстафеталарында катнаштылар. Кызлар һәм егетләр “Сезнең сәламәтлек – сезнең кулларда!” дигән викторина сорауларына да бик теләп җаваплар бирделәр, сәламәтлек турында мәкальләр һәм әйтемнәрне белү аукционында катнаштылар. Ахырда һәммәсе дә «Сәламәтлегегез өчен яхшы киңәшләр»дигән буклетлар алды.