Юмаш модельле китапханәсендә махсус хәрби операциядә катнашучы якташыбыз белән очрашу оештырылды

Китапханәче чарада катнашучыларны аның биографиясе белән таныштырды. Кунак, үз чиратында, яугирләрнең көнкүреше ничек узуы, алгы сызыкта аларның көнкүреше ничек оештырылуы турында сөйләде, яшьләрне кызыксындырган сорауларга җаваплар бирде. Очрашу ахырында һәммәсе дә якташыбызга ныклы сәламәтлек, сабырлык һәм көч, һәм, әлбәттә, җиңү белән тизрәк өйгә кайтуын теләделәр. Очрашу күмәкләп истәлеккә фотосурәткә төшү белән тәмамланды.
"Мондый очрашулар үсеп килүче буын вәкилләрендә үз иле өчен горурлык хисе, аларны патриотик рухта тәрбияләргә ярдәм итә. Конкрет мисалда яшьләр чын геройларның янәшәбездә яшәвен, батырлык, ватанпәрвәрлек сыйфатларын күрделәр. Якташларыбызга карата җылы сүзләр, туган як посылкалары, һәр хәрби хезмәткәрнең җанын җылытсын, аларның сугышчан рухын ныгытсын. Очрашу бик дулкынландыргыч һәм күңелгә үтеп керерлек булды. Анда катнашучылар илебез, егетләребез өчен җылылык һәм горурлык хис-тойгылары белән таралышты», – дип сөйләп үтте китапханәче Светлана Лозяк.