+22 °С
Яңгыр
Новости
16 апрель 2024, 11:35
Укытучы – һәр һөнәргә юл башы
15 апрельдә муниципаль район хакимиятенең мәгариф бүлеге начальнигы вазыйфасын башкаручы Илдус Фидус улы Шәйдуллин М. Акмулла исемендәге Башкортстан дәүләт педагогия университетында укучы якташ студентлар белән очрашты. Әлеге чарада Чакмагыш гимназиясенең чыгарылыш сыйныф укучылары да катнашты. Югары уку йортының һөнәри юнәлеш бирү үзәге вәкилләре, шулай ук якташ студентлар белән очрашу ике як өчен дә бик фәһемле һәм файдалы булды.
Укытучы – һәр һөнәргә юл башы
Һөнәри юнәлеш бирү үзәге вәкилләре укучыларга БДПУда гамәлгә ашырыла торган һөнәрләрнең үзенчәлекләре турында тәфсилләп сөйләделәр, урта һөнәри һәм югары белем бирү программаларына кабул итү шартлары белән таныштырдылар.
Укытучы – һәр һөнәргә юл башы. Балаларга укытучы һөнәре иҗади һәм идарә итү һөнәре булуын билгеләп үттеләр. Биредә һөнәргә ия булган һәркем теләсә кайсы өлкәгә җиңел яраклаша һәм шуңа күрә кирәкле. Очрашу балаларны һөнәр сайлау турында уйланырга, һөнәри юнәлеш алырга ярдәм итте. Биредә укучы районыбыз студентлары да ни өчен әле уку йортын сайлаулары, биредә төрле яклап үсеш алу өчен мөмкинлекләрнең зур булуы, кызыклы студент тормышы белән уртаклаштылар, күзгә-күз карашып, булачак студентлар белән кызыклы әңгәмә кордылар, сорауларга җаваплар бирделәр.
Бу хакта тулырак гәзитнең киләсе санында таныша аласыз.
Укытучы – һәр һөнәргә юл башы
