Пасханы бәйрәм иттеләр

Пасха - христиан бәйрәмнәренең иң борыңгысы һәм зурысы. Бүген Юмаш авылында Олы көн яки, башкача әйткәндә, Пасха бәйрәме зурлап үткәрелде. Бәйрәм итү иртән чиркәүдә гыйбадәт кылу белән башланды. Гаиләләрдә посттан соң (христиан дине буенча сөтле һәм итле аш ашамый тору) мул ризыклы табын әзерләнә. Гореф-гадәт буенча бәйрәм куличы һәм буялган йомыркалар изгеләндерелә. Бүген авыл халкы молебенга килде, кыңгырауларда чаң сугылды. Ахырда балалар күңелле чарада катнашты. Иң күңеллесе - бәйрәм тәмамлангач, бөтен кеше тәмле куличлар белән чәй табынына җыелды.