Ватанга сөю тәрбияләп

Экскурсия барышында укучыларга “Җиңү көне” бәйрәме турында сөйләделәр, Бөек Ватан сугышы геройларының бюстларын, артиллерия кораллы пушкасын карадылар. Балалар обелисктагы исемлекләрне кызыксыну белән укыды. Шулай ук алар парк территориясендә урнашкан десантчылар, диңгезчеләр, чик сакчылары һәм ракета гаскәрләре, артиллерия хөрмәтенә урнаштырылган һәйкәлләр янында да булдылар. Батыр якташларыбызның якты исемнәре безнең тарихыбызда мәңгегә сакланачак. Мондый чаралар укучыларда патриотик тәрбия биреп кенә калмый, Ватан белән горурлану, туган җиргә сөю-хөрмәт тәрбияләргә дә ярдәм итә.