Калмашбашта яшь киленгә су юлы күрсәттеләр

 Мөселман туйларының төп өлешенең берсе – никах тантанасы. Калмашбаш авылында яшәүче Миңнехановлар гаиләсендә матур гаилә бәйрәме узды – аларның улы Вадим өйләнде. Авыл мәдәният йорты хезмәткәрләре татар халкының иң матур туй йолаларының берсе – киленгә су юлы күрсәтү йоласын үткәрде. Әлеге күркәм йола гореф-гадәтләрне саклап калу, аларны яшьләргә тапшыру, буыннар һәм чорларның рухи бәйләнешен ныгыту, татар халкының мәдәни үзенчәлеген күрсәтү максатыннан үткәрелде. Яңа гына кавышлкан яшь парга сәламәтлек, бәхет, саф мәхәббәт һәм бер-берсенә карата тугрылык һәм хөрмәт телибез.