Сулыкларда һәрвакыт хәвефсезлек таләпләрен үтәгез!

Бәхетсезлеккә тарымас өчен су объектларында булганда һәрвакыт түбәндәге хәвефсезлек кагыйдәләрен үтәргә онытмагыз:
– Махсус җиһазландырылган урыннарда гына коеныгыз;
– Таныш булмаган урыннарда коенмагыз һәм суга сикермәгез, билгеләнгән урыннан ары йөзеп чыкмагыз;
– Катер я теплоходлар йөри торган урынга йөзеп бармагыз, аларга якын килмәгез;
– Кабартылган матрасларда яки түгәрәкләрдә ярдан ерак йөзеп китмәгез;
– Исерек килеш су кермәгез;
– Бервакытта да балаларны караучысыз берүзләрен генә калдырмагыз!
– Салкын суда озак тормагыз.
Сулыклар янында ял итәргә яратучылар суда үз-үзеңне тоту кагыйдәләрен яхшы белергә һәм аларны төгәл үтәргә тиеш. Үзегезне һәм якыннарыгызны саклагыз һәм су объектларында хәвефсезлек чараларын үтәргә онытмагыз!