Яудагы якташларга ярдәм итәр өчен

Без бу хакта волонтерлар штабы җитәкчесе, җәмәгать фикере лидеры Лиана Рифир кызы Хәбибуллина һәм штаб әгъзасы Юлия Хәкимова белән сөйләштек. “Райондашлар һәр гуманитар йөкне җыйганда һәрчак активлык күрсәтәләр. Ул район үзәгендә дә, авыл биләмәләрендә дә җыела. Якташлар әйберләтә дә, акчалата да ярдәм итәләр. Әйберләр М.Шайморатов исемендәге штабта һәм авыл биләмәләре хакимиятләрендә туплана. Акча исә махсус исәпкә күчерелеп җыела. Бу акчага шулай ук яугирләргә таләп ителгән көнкүреш техникасы, эш кораллары, төзелеш материаллары һәм башка кирәк-яраклар алына. Алай гына да түгел, бу изге эшкә җирлегебездә яшәүчеләр дә, районыбызда туып үсеп, хәзер башка төбәкләрдә яшәүче якташларыбыз да һич ялындырмый кушыла. Бу юлы янә контракт буенча хезмәт итүче яугирләребезгә ярдәм җыябыз. Гомумән алганда, бу районнан китәчәк егерме алтынчы конвой. Үткән гуманитар ярдәм составында шулай ук үз ихтыярлары белән контракт төзегән якташларыбызга өч машина һәм алар үзләре сораган әйберләр илтелде. Августта махсус хәрби операция зонасына юлланачак гуманитар конвойга да аларга таләп ителгән барлык әйберләрне җыеп бетерә алырбыз дип ышанабыз. Ярдәм җыюда катнашырга теләге булган райондашларга үтенечебез дә бар. Штабка нәрсә дә булса алып китерү алдыннан башта 8 34796 3 12 63, 8 982 408 77 05, 8 927 959 17 27 телефоннары буенча шалтыратып, киңәшләшсәгез иде. Без шушы изге эшкә битараф калмаган, кулыннан килгәнчә ярдәм иткән барлык якташларга да рәхмәтлебез”, – диделәр яугирләр өчен тупланган һәр йөкне төяп-әзерләп җибәрүдә турыдан-туры катнашкан волонтерлар штабы әгъзалары.

Әйткәндәй, чираттагы гуманитар йөкне җыю турындагы игълан Яшьләр үзәге сайтында да урнаштырылган. Анда яугирләргә таләп ителгән әйберләр исемлеге дә бар. Аны безнең сайтта да урнаштыру артык булмас дип уйладык. Исемлек түбәндәгечә:
1. УАЗ автомобиле (буханка) – 2 данә.
2. “Урал” яки “Днепр” мотоциклы – 1 данә.
3. Кулланылышта булган скутер – 1 данә.
4. Утырып йөри торган электросамокат– 1 данә.
5. «Инкубатор» антеннасы – 2 данә.
6. Дрон өчен пульт (DJI*C+) – 1 данә.
7. FPV дроны – 1 данә.
8. Бензинда эшли торган генератор – 1 данә.
9. Маскировка челтәрләре – 20 данә.
10. Янмый торган брезент – 5 м.
11. ПВС озынайткыч-удлинителе – 50 м
12. R-16 диаметрлы машина шиналары – 10 данә.
13. Дисклар (R-16) – 6 данә.
14. “УАЗ” өчен КПП (409 двигателе өчен) – 1 данә.
15. “УАЗ”га раздатка – 1 данә.
16. Кара полиэтилен – 2 рулон
17. Балык тота торган челтәрләр – 10 данә.
18. Тегү машинасы (сәнагать) – 1 данә.
19. Кувалда – 5 данә.
20. 70-ле ачкыч – 1 данә.
21. “КамАЗ” өчен 24 Вт.-лы лампочкалар – 20 данә.
22. Техник сылагыч-смазка (зәңгәр) 5 тюбик + 1 шприц – 1 данә.
23. Ачкычлар һәм головкалар жыелмасы – 1 упаковка.
24. Портатив газ плитәсе – 5 данә.
25. Газ. баллончиклары – 200 данә.
26. Берцы (41-нче үлчәм) – 1 пар.
27. Камуфляж костюмы (мультикам) (48-50 үлчәм)– 1 данә.
28. Маңгайга куела торган тактик фонарь – 5 данә.
29. Тәмәке – 10 блок.
30. Балык консервалары
31. Ит тушенкасы
32. Ир-ат эчке киеме (трусы, 48-52 үлчәм) – 10 данә.
33. Бензинга эшли торган пычкы – 1 данә.
34. Шуруповерт – 1 данә.
35. Кургаш изолон (3-ле) – 5 рулон.
36. Медикаментлар (дарулар һәм бинтлар)
37. Юка носкилар – 30 пар.
38. Кофе, чәй, чәй тәмнәре
39. Эш перчаткалары – 100 данә.
Без райондашларны яудагы яугирләргә ярдәм җыюга актив кушылырга чакырабыз. Үз гомерләренә янаган хәвефкә карамый, тынычлыгыбызны,