Десантчылар һәйкәлгә чәчәкләр салды

Десантчыларны тәбрикләргә муниципаль район хакимияте башлыгы Реканс Ямалеев килде. Зәңгәр беретлы егетләргә район җитәкчесе гел дә шулай ныклы рухлы, бердәм, тату булып алдагы елларда да шушы состав белән исәнлек-саулыкта очрашуларын теләде.
Районыбызның десантчылар төркеме җитәкчесе Ранис Исхаков хезмәттәш дусларына һава десант гаскәрләренә тап төшерми, рух ныклыгын югалтмый яшәүләрен, гаиләләренә иминлек теләде. Бер төркем десантчылар мактау грамоталары белән бүләкләнде.
Бу хакта тулырак алдагы санда укырга мөмкин.