+24 °С
Яңгыр
Новости
2 август 2024, 10:30
Кеше хезмәте белән данлы
Июнь ае ахырында Чакмагыш мәдәният йортында районыбызның күренекле шәхесе, журналист-язучы, Башкорт АССРның атказанган мәдәният хезмәткәре, Чакмагыш районының шәрәфле гражданины, Чакмагыш районының Гыйлемдар Рамазанов исемендәге, “Игенче” гәзитенең Вазих Исхаков исемендәге әдәби премияләре һәм башка күп дәүләт премияләре иясе, җәмәгать эшлеклесе, 27 ел дәвамында район гәзитенең алыштыргысыз мөхәррире булган Хәйдәр Фәйзрахман улы Басыйровның тууына 85 ел тулуга һәм аның турында истәлекләр тупланган “Яратырга килдем бу җиргә” исемле китап нәшер ителүгә багышланган хәтер һәм кадер кичәсе күңелләрдә калырлык күркәм итеп үткәрелгән иде.
Кеше хезмәте белән данлы
Шушы көннәрдә район үзәк китапханәсендә әлеге кичәнең дәвамы булган янә бер дулкынландыргыч чара үтте. “Кеше хезмәте белән данлы” дип исемләнгән әдәби очрашуны “Яратырга килдем бу җиргә” китабының авторы, Хәйдәр Фәйзрахман улының кызы – Эльза Хәйдәр кызы китапханә хезмәткәрләре белән берлектә оештырды. Анда муниципаль район хакимияте башлыгының социаль мәсьәләләр буенча урынбасары Светлана Фларис кызы Шакирова, Хәйдәр Фәйзрахман улының гомер юлдашы Фәһимә Шаһгали кызы,, Хәйдәр аганың хезмәттәшләре һәм “Чакмагыш чаткылары” әдәби берләшмәсе әгъзалары катнашты.
(Бу очрашу турындагы язма белән “Игенче” гәзитенең алдагы санында танышырга була.)
Кеше хезмәте белән данлы
